想接更多生意，
你嘅營運系統頂唔頂得住？
由廣告查詢回覆、預約同收費，到分佣、庫存更新同補貨，拆解點樣用營運系統、自動化同 AI，減少重複輸入、逐單計數同逐個通知，令團隊有能力承接更多業務。
適合想減少人手操作、改善營運流程嘅老闆、營運負責人及管理人員。
以中醫診所、醫美診所／美容中心、保險經紀公司、補習社／教育中心為例，
其他行業有相近營運問題亦適用。
2026 年 10 月 8 日（星期四）｜早上 10:30–12:00｜香港時間
線上分享會・90 分鐘・免費參加
查詢／預約／收費✓
計算／提醒／分配↻
整理／跟進✓
你間公司，仲有邊啲工序要同事逐項人手處理？
想擴張，靠自動化唔係靠加人
① 廣告有查詢入嚟，同事忙緊或已收工，幾耐先覆到客？
查詢等到第二日先覆，客可能已經問落其他人。
拆解點樣先由AI 接住一般資料查詢、收集需要同預約意向 → 資料交到負責同事 → 接上報價或預約，需要專業判斷或例外安排先由真人接手。
② 接查詢、抄資料、入訂單、通知交付、查收款，同一個人每日重做幾多次？
同一位客、同一張單嘅資料，每步都由同事重新輸入。
拆解點樣由確認訂單後沿用客戶資料 → 按訂單狀態自動通知負責人 → 到期未收款自動提醒，減少重複輸入同逐個通知。
③「我哋需要一套啱我哋嘅系統」——但點判斷啱唔啱？
同樣有客戶、訂單同收款功能，每間公司嘅報價、批核、分佣同交付規則都可能唔同，功能表睇落齊全，仲要睇實際工作點樣完成。
拆解點樣先講清楚想減少咩人手操作 → 用一張正常訂單同一次更改情況 → 對照資料點流轉、邊個確認、記錄點更新，先整理到適合自己嘅系統要求。
中醫診所
① 執完藥仲要人手記庫存？
執藥後再記用量，忙起上嚟容易漏記或者入錯。
拆解點樣由執藥記錄自動扣減存量，減少另開表格重複輸入；收到補貨時，再用收貨記錄更新庫存。
② 佣金用 Excel 手計，月底仲要逐個醫師對數？
由診症／服務收費記錄 → 按醫師或治療師預設比例自動計佣 → 產生明細，減少逐單重計亦方便核對每筆佣金來自邊次服務。
③ 產品就快冇貨，仲要靠人手訂貨？
先設定藥品、供應商同補貨門檻，再由存量低於門檻 → 啟動補貨、安排自動落採購單 → 收貨入倉。
按診所規則定清楚邊啲單可直接發出，邊啲要先確認。
醫美診所／美容中心
① 廣告有客查詢，覆得慢，客就流失？
查詢入嚟後，要接住回覆、了解需要同安排下一步。
拆解點樣用 AI 協助回應及收集資料，再接到預約與同事跟進，減少查詢停喺對話入面、同事又要重新入資料嘅工夫。
② 客人升級 package，前台、referral、美容師佣金點分？
用套票升級情境，拆清升級前後嘅交易記錄、參與角色及分佣比例，再判斷點樣配合按預設規則自動計佣、產生對應原單嘅明細。
規則同記錄清楚，先可以減少逐單翻查同重新計數。
③ 補貨靠人腦，病人嚟到先發現冇藥？
產品用於療程或賣出之後，要接住更新存量。拆解使用／銷售記錄 → 更新庫存 → 按門檻啟動補貨及自動落採購單，再按公司規則保留需要嘅確認，減少靠同事記住幾時要訂貨。
保險經紀公司
① 保單就快到期，仲靠人手逐個提客？
由保單到期日期觸發自動提醒，保留發送時間同狀態，方便同事接住跟進，減少逐張查日期、逐個重新發訊息。
② 一張保單幾個人分佣，仲要人手計？
渠道、年份同各方比例要先定清楚，再由保單及預設分佣規則 → 自動計算各方佣金 → 整理明細及通知，減少逐單重計同翻查。
③ 客戶保費收咗未，交咗保險公司未？
將同一張保單連到客戶應收／已收、保險公司應付／已付及到期資料，拆解兩邊記錄點樣對照，睇清仲欠幾多、邊筆款要跟，減少四圍搵記錄同問同事。
補習社／教育中心
① 學費交咗未，仲要逐個查、逐個追？
將學生收費週期同付款記錄連返一齊，按設定時間自動發催費訊息，方便同事睇清邊個需要跟進，減少逐個家長重新發訊息。
② 導師教咗幾多堂、分成幾多，仲要人手計？
由導師出勤紀錄及預設分成比例 → 自動生成課堂分成報表，減少逐項對堂數、重新計數，再同導師核對嘅工夫。
③ 學生調一次堂，幾份記錄都要人手改？
按容量、收費及批核規則確認轉堂後，自動更新課堂名單；同時釐清學費差額及相關單據要點樣調整，令課堂、學生名單同收費記錄對得返。
每多一單生意，都要再做一輪人手操作？
入資料、計數、出單、通知、核對，如果每一步都要人接力，客量增加，行政工作同人手時間成本亦會跟住增加。
今場會拆解嘅核心係：點樣令一筆業務記錄，按你公司嘅規則帶動後續工作，將同事嘅時間留返俾服務客人、處理例外同承接新生意。
四個行業會用作例子，集中講共通嘅改善方法，再對照各行業嘅規則差異。
Luke Tam｜Adaptive 創辦人
Luke 有 23 年企業系統經驗，長期參與香港企業嘅需求討論、系統方案同產品方向。
Adaptive 橫跨成條收入營運鏈：由獲客、即時回覆、預約／報價、落單付款，接到服務交付、採購庫存、收款，以及續費同回購。
Luke 今場會由企業每日點樣做生意入手，拆清楚流程、收費、分佣、權限同例外，再講系統、自動化及 AI 點樣配合。
由你想改善嘅營運結果，倒推成條流程點改
例如想減少月底計佣工夫，就要追返：交易記錄喺邊？每個角色點分？套票使用同退款點處理？明細能否對返原單？
今場會沿住以下次序拆解：
先睇邊啲工序值得保留、合併或者減省，再安排邊啲由系統自動做、邊啲適合 AI 協助理解及回應、邊啲例外由人處理。
揀系統時，就可以用自己嘅實際流程、正常情況同例外去判斷，睇清楚佢能否配合你公司嘅做法。
① 用咩系統，點樣有效減少人手操作？
廣告查詢入嚟，點樣接住回覆同安排預約？交易入咗系統之後，分佣點樣計？庫存低過門檻，又點樣啟動補貨？Luke 會由前一步點帶動下一步開始，拆開資料記錄、規則自動化、AI 同人員判斷各自嘅作用。
② 想改流程，點樣先唔會加重同事負擔？
對照改動前後同事要做嘅步驟，講清楚應該減少邊啲重入、計數同通知，以及邊啲確認要保留。再用改期、退款、額外批核等例外，檢查新做法是否配合日常工作。
③ 已經有工具同資料，應該由邊一步開始？
由最影響服務、收款或人手時間嘅流程出發，檢查現有工具、資料同接駁條件，再判斷先調整設定、加功能、接駁，定係考慮更換系統。
將「我哋想自動化」，講成一個具體改善項目
無論你係老闆、營運負責人，定係要帶建議返公司嘅管理人員，今場會幫你整理討論方向：
要減少咩人手操作
邊個人、喺邊一步
反覆做緊乜
想做到咩改變：
邊啲記錄、計算、單據
同通知可以接住處理
開始前要確認乜：
規則、現有資料、需要參與嘅同事，
以及點樣驗證改動有用
咁同老闆、同事或系統供應商商討時，就可以圍繞具體工作同改善目標作決定。
免費預約 60 分鐘營運流程診斷
出席線上分享會後，你可以透過分享會提供嘅預約連結，自選開放時段，預約 60 分鐘營運流程診斷，針對自己公司嘅營運問題作個別討論。
診斷會先了解整體營運，再集中拆解一條值得優先改善嘅流程，幫你釐清三件事：
最值得先處理嘅營運卡位
指出主要問題、佢點樣增加人手負擔或拖慢服務／收款，以及點解值得優先處理。
具體嘅自動化改善方向
拆清楚資料點去下一步、邊啲可以按規則自動做、AI 可以配合邊部分，以及人員負責嘅判斷。
可以開始推進嘅第一步
提出優先項目、要先確認嘅條件，以及判斷有冇改善嘅方法。按你嘅情況，再加入省時分析或現有系統判斷。
會後用三點文字摘要，整理問題及影響、建議改法、第一步及需要參與嘅人，方便你帶返公司同老闆／同事商討。
參加診斷毋須預先準備文件，由你平日實際點做開始傾。
適合想減少人手操作、改善營運流程嘅老闆、營運負責人及管理人員。
如果你正面對客量增加、計佣對數愈來愈花時間、資料要重複輸入，或者同事每日忙住發通知同核對記錄，今場會由呢啲實際工序出發，拆解可以點樣改善。
你主要靠人手，或者已有系統但用得唔順，都適合參加。中醫診所、醫美診所／美容中心、保險經紀公司同補習社／教育中心係本場例子；其他行業只要面對相近嘅營運問題，亦歡迎參加。
10 月 8 日，一齊拆清楚營運可以點樣自動化
日期： 2026 年 10 月 8 日（星期四）
時間： 早上 10:30–12:00（香港時間）
形式： 線上分享會 時長： 90 分鐘 費用： 免費
參加者毋須預先準備資料。